منتدى بنت ستايل

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى بنت ستايل

بنت ستايل تـــــــــرحــــب بـــــكم


    بطيبيطات معمرين بجوج حشوات مختلفة

    avatar
    Admin
    Admin


    عدد المساهمات : 1020
    تاريخ التسجيل : 21/02/2012

    بطيبيطات معمرين بجوج حشوات مختلفة Empty بطيبيطات معمرين بجوج حشوات مختلفة

    مُساهمة من طرف Admin الخميس سبتمبر 27, 2012 11:43 am


    اولا تنحضر البطبوط

    تنعمل في العجين 2زلايف القمح ووحد فورص +شوش لخمير د الخبز+شوش سكر +ملح طبعا + الماء

    ضروري يكون القمح اكتر من الفورص باش يجي زوين


    تنجمع مكونات كاملين وتندلكهم حتى تصبح طرطق تحت من ادي

    وتصبح ررطبة
    من بعد كنعمل فحال اللى تنحضر كويرات لمسمن صغار

    كنتركهم يرتاحو تقربنا 5دقايق

    عاد تنكرسهم
    ونتركهم يخمر مزياان
    كنسخن المقلة التقيلة على نارمرتفعة ومنين تسخن تنقسها

    ونرمي البطيوط ونفس اللحضة نبدو نقلبهم وهدا واحد من من عدت اسباب لنجاحه
    وهاكا حتى نتهو من كمية اللى عندنا
    حشوة الاولة


    كنخد بصلة +زوج خيزويات +عركة خضراء

    تنقطع البصلة رقيقة وتنعملها في كسرولة ونضيف ليها شويش الزبدة او زيت و الملح وابزار وقليل من خروق البلدي ونشحرها حتى تنزل

    من بعد تنخد الخيزويات والكرعة تنقشرهم
    ونحكهم في حكاكة جيهة لغليضة
    وتنضيفهم على البصلة
    ونترك الكل يطيب على نار متوسطة حتى ينزلو تماما ومنين تبرد الحشوة

    تنضيف ليهم زيتون اخضر مقطع+شوية معدنوس

    واخير تنضيف الطون اللى نقصت منوالزيت
    وتنفتح البطبوط ونبدء نعمرو

    حشوة تانية



    تنخدو صدر دجاج او ديك الرومي جاهز او كنخد دجاج عادي وتنزول ليه لعضيمات
    كنقطع دجاج والبصلة مربعات صغيرة كما هو واضح لكن دجاج يكون مقطع اكبر من البصلة تنعملهم بزوج في اناء
    تنضيف ليهم توابل شورما وملح فقط

    ونتركهم على اقل ساعة


    نعملهم في مقلية ونضيف ليهم شويش الزبدة ولا الزيت ونشحرهم مزيااان على نار متوسطة حتى يطبو (بسرعة تيطبو)

    من بعد ما تبرد الحشوة تنضيف ليها لخيار مخلل(كورنشو) وزيتون خضر

    ونمزج الكل جيدا


    كنخد البطبوط نفتحو وندهنو اما بالفرماج نتاع الكاس او الميونيز (نفس النتيجة

    عاد نعمل مقادر معلقة كبير ونصف من الحشوة





      الوقت/التاريخ الآن هو الخميس مارس 28, 2024 4:50 am